Թուրքիայի պաշտպանության նախարարությունը հայտնել է, որ Գերմանիայում գտնվող դաշնակիցների օդային հրամանատարության կողմից հատկացված մեկ այլ «Patriot» ՀՕՊ համակարգ կտեղակայվի Թուրքիայի Ադանա նահանգում։ Նշվում է, որ այն տեղակայվել է այնտեղ գտնվող իսպանական «Patriot» համակարգի կողքին։
Նշենք, որ ավելի վաղ «Bloomberg» պարբերականը հայտնել էր, որ ՆԱՏՕ-ն իր օրակարգում ներառել է Թուրքիայում բալիստիկ հրթիռային պաշտպանության կարողությունների ընդլայնումը։
ԱՄՆ-ի, Իրանի և Իսրայելի միջև շարունակվող հակամարտության ընթացքում Թուրքիայի օդային տարածքի ուղղությամբ օրերս շարժվել էր 3 բալիստիկ հրթիռ, որոնք ոչնչացվել էին ՆԱՏՕ-ի ՀՕՊ համակարգի կողմից։ Դրանից հետո ՆԱՏՕ-ն Թուրքիայի Մալաթիա նահանգում տեղակայել էր «Patriot» ՀՕՊ համակարգ։
Աղբյուր՝ Ensonhaber.com
