ՀՀ անվտանգության խորհրդի քարտուղարը հանդիպել է Թուրքիայի նախկին նախագահ Գյուլի հետ

Հայաստանի անվտանգության խորհրդի քարտուղար Արմեն Գրիգորյանը հանդիպում է ունեցել Թուրքիայի 11-րդ նախագահ Աբդուլահ Գյուլի հետ։ Հանդիպումը կայացել է Հունաստանում տեղի ունեցող Դելֆի տնտեսական ֆորումի շրջանակում։

Կողմերը քննարկել են երկկողմ հետաքրքրություն ներկայացնող տարբեր հարցեր՝ փոխանակելով կարծիքներ և դիտարկումներ։

Հիշեցնենք, որ Գյուլը Թուրքիայի առաջին նախագահն էր, որը 2008-ին այցելել էր Հայաստան։ Այցը «ֆուտբոլային դիվանագիտության» գործընթացի մաս էր։

Աղբյուր՝ Ermenihaber.am