Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Գերմանիայի նախագահ Ֆրանկ-Վալտեր Շտայնմայերի հետ։
Թուրքիայի նախագահի աշխատակազմի հաղորդակցության վարչության տարածած հայտարարության համաձայն՝ զրույցի ընթացքում քննարկվել են Թուրքիայի և Գերմանիայի երկկողմ հարաբերությունները, ինչպես նաև տարածաշրջանային ու գլոբալ զարգացումները։
Էրդողանը նշել է, որ Թուրքիայի և Գերմանիայի հարաբերությունները վերջին շրջանում բարձր մակարդակի շփումների շնորհիվ դրական առաջընթաց են գրանցել։
Անդրադառնալով տարածաշրջանում ընթացող պատերազմին՝ Թուրքիայի նախագահը ընդգծել է, որ այն արդեն սկսել է թուլացնել նաև Եվրոպային՝ հավելելով, որ եթե այս գործընթացին չմիջամտեն խաղաղությանն ուղղված մոտեցմամբ, հակամարտության հետևանքները կարող են շատ ավելի ծանր լինել։
Էրդողանը նաև պնդել է, որ Թուրքիան, ինչպես Իրանի հարցում, այնպես էլ Ուկրաինա–Ռուսաստան պատերազմի դեպքում, ջանքեր է գործադրում բանակցությունների միջոցով հակամարտությունների ավարտի և կայուն խաղաղության հաստատման համար։
Աղբյուր՝ Trthaber
