Թուրքական աղբյուր. «Ալիջանի սահմանային անցակետի աշխատանքներն ավարտվում են»

Թուրքական «Kars Manşet» լրատվական կայքում հրապարկվել է «Մինչ Իգդիրում Ալիջան սահմանային անցակետը պատրաստվում է բացմանը, Կարսը սպասում է» վերնագրով նյութ։

Թուրքական աղբյուրը գրում է, որ Ալիջան սահմանային անցակետի «վերաբացման» աշխատանքները շարունակվում են մեծ թափով ու մոտենում են ավարտին։ Ալիջան սահմանային անցակետի մաքսային կետում, ենթակառուցվածքներում և ծառայողական շենքերում աշխատանքները մեծամասամբ ավարտվել են, և նպատակ կա անցակետը շահագործել այս ամսվա վերջին։

Նշվում է, որ տարիներ շարունակ փակված սահմանային անցակետի վերաբացման հետ մեկտեղ ակնկալվում է տարածաշրջանային առևտրի և տրանսպորտային ցանցերի ակտիվացում։ Իսկ Աքյաքա (Կարս) շրջանում գտնվող սահմանային անցակետի վերաբերյալ նշվել է, որ դեռևս որևէ կոնկրետ զարգացում չկա:

Աղբյուր՝ Kars Manşet