Ձերբակալություններ Ստամբուլում

Ստամբուլում Մայիսի 1-ի աշխատավորների և աշխատավոր ժողովրդի տոնի նախաշեմին ոստիկանությունը խուզարկություններ է իրականացրել սոցիալիստական կուսակցությունների, կազմակերպությունների և երիտասարդական խմբերի անդամների տներում, ինչի հետևանքով բազմաթիվ անձինք բերման են ենթարկվել։

Տեղեկությունների համաձայն՝ բերման ենթարկվածների թվում են եղել «ESP», «SODAP», «SYKP» և մի շարք այլ կազմակերպությունների անդամներ, ինչպես նաև «Ժողովրդի իրավունքի բյուրո»-ի փաստաբաններ։

Նշվում է, որ բերման ենթարկվածները տեղափոխվել են Ստամբուլի նահանգային ոստիկանության վարչություն։ Բացի այդ, խուզարկություններ են իրականացվել նաև ընդդիմադիր «Özgür Gelecek» և «Yeni Demokrasi» թերթերի խմբագրություններում։

Աղբյուր՝ Ակոս