Թուրքիան ռեգիոնում ունի միջինից ցածր ցուցանիշ

«World Justice Project» (WJP) միջազգային կազմակերպության 2026 թ. իրավունքի գերակայության ինդեքսում Թուրքիան 143 երկրների շարքում զբաղեցրել է 117-րդ տեղը՝ 0.41 միավորով։ Նախորդ տարվա համեմատ երկրի ընդհանուր միավորը նվազել է 0.4%-ով, թեև համաշխարհային վարկանիշում Թուրքիան մեկ հորիզոնականով բարելավել է դիրքը։

Արևելյան Եվրոպայի և Կենտրոնական Ասիայի 15 երկրների շարքում Թուրքիան զբաղեցրել է 14-րդ տեղը՝ մնալով տարածաշրջանային միջին ցուցանիշից ցածր։

Թուրքիան հետնապահ դիրքեր ունի պետական իշխանության սահմանափակման և հիմնարար իրավունքների պաշտպանության ցուցանիշներով։ Քրեական արդարադատության ոլորտում Թուրքիան 110-րդն է, իսկ բաց կառավարման ցուցանիշով՝ 116-րդը։

Աղբյուր՝ Bianet