«Թուրքիայի վիճակագրական ինստիտուտի» (TÜİK) հրապարակած տվյալների համաձայն՝ Թուրքիայում երիտասարդների թիվը 2025-ի վերջի դրությամբ կազմել է 12.708.348, իսկ երկրի ընդհանուր բնակչության մեջ 15-24 տարեկան երիտասարդները կազմել են 14.8%։ Նշվում է նաև, որ Թուրքիայի ընդհանուր բնակչությունը նույն ժամանակահատվածի դրությամբ կազմել է 86.092.168 մարդ, որում էլ երիտասարդների 51.2%-ը տղամարդիկ են, իսկ 48.8%-ը՝ կանայք։
«TÜİK»-ի տվյալներով՝ երիտասարդ բնակչության մասնաբաժինը տարիների ընթացքում նվազում է։ Եթե 1950 թվականին այն կազմում էր բնակչության 20.8%-ը, ապա 2025-ին նվազել է՝ հասնելով մինչև 14.8%-ի։ Կանխատեսումների համաձայն էլ՝ առաջիկա տասնամյակներում Թուրքիայում երիտասարդների բաժինը շարունակելու է կրճատվել՝ պայմանավորված ծնելիության ցուցանիշների անկմամբ և ժողովրդագրական փոփոխություններով։
Աղբյուր՝ Son Dakika
