Հայաստան-Թուրքիա կարգավորման գործընթացում Թուրքիայի հատուկ ներկայացուցիչ Սերդար Քըլըչը գրառում է արել «X»-ի էջում ու կիսվել ՀՀ վարչապետ Նիկոլ Փաշինյանի գրառմամբ:
Քըլըչը նշել է. «Նոր քայլ Թուրքիա-Հայաստան հարաբերությունների կարգավորման գործընթացի շրջանակում ուղիղ առևտրի ոլորտում: Այս նոր քայլը կզարգացնի նաև Թուրքիայի, Հայաստանի, Ադրբեջանի և Վրաստանի քառակողմ համագործակցությունը և կարևոր ներդրում կունենա տարածաշրջանային խաղաղության ու կայունության ամրապնդման գործում»։
Գրառման վերջում հատուկ ներկայացուցիչը մաղթել է, որ այս նախաձեռնությունը/քայլը հաջող լինի բոլոր վերոնշյալ երկրների համար»։
Նշենք, որ Փաշինյանը ֆեյսբուքյան էջում կատարած հրապարակմամբ տեղեկացրել էր, Ախալքալաք–Կարս երկաթուղին Ադրբեջանի երկաթուղու նման այլեւս բաց է Հայաստանից արտահանումների եւ Հայաստան ներմուծումների համար և դա որակել որպես իրադարձություն է Հայաստանի տնտեսական կյանքում։ Նա նաև շնորհակալություն էր հայտնել Թուրքիայի եւ Վրաստանի գործընկերներին։
Աղբյուր՝ Ermeni Haber
