Թուրքիան դատապարտել է ահաբեկչական հարձակումը Պակիստանի վրա

Թուրքիայի արտաքին գործերի նախարարությունը դատապարտել է Պակիստանի Բելուջիստան նահանգում ուղևորատար գնացքի դեմ տեղի ունեցած ահաբեկչական հարձակումը։

Նախարարության տարածած հաղորդագրության մեջ նշվում է, որ հարձակման հետևանքով արձանագրված մարդկային կորուստները խորապես վշտացրել են թուրքական կողմին։

Ընդգծվում է, որ նման հարձակումները, որոնք ուղղված են տարածաշրջանի խաղաղության և կայունության դեմ, անընդունելի են։

Հայտարարությունում նաև վերահաստատվում է Թուրքիայի և Պակիստանի միջև ահաբեկչության դեմ պայքարում առկա համերաշխությունը։

Հիշեցնենք, որ Բելուջիստանում երկաթուղային գծի վրա տեղի ունեցած պայթյունի հետևանքով զոհվել է առնվազն 23 մարդ, վիրավորվել՝ 70-ը։ Պայթյունը տեղի է ունեցել այն պահին, երբ գնացքը շարժվում էր դեպի քաղաքի զորամասային շրջան։

Աղբյուր՝ Trt Haber