Թուրքիան առաջին անգամ դեսպան է նշանակել Իսլանդիայում

Թուրքիայի և Իսլանդիայի միջև դիվանագիտական հարաբերություններում նոր էջ է բացվել։ Թուրքիայի արտգործնախարար Հաքան Ֆիդանի ներկայացրած նոր դեսպանական նշանակումների համաձայն՝ Ուկրաինայում (Կիև) Թուրքիայի դեսպան Մուստաֆա Լևենթ Բիլգենը նշանակվել է Ռեյկյավիկում Թուրքիայի առաջին դեսպան։

Մինչ այս երկու երկրների դիվանագիտական հարաբերությունները վարվում էին Նորվեգիայում (Օսլո) գործող դեսպանությունների միջոցով։

Իսլանդիայի արտգործնախարար Թորգերդուր Կատրին Գունարսդոտիրը ողջունել է Թուրքիայի այս քայլը՝ ընդգծելով, որ երկու երկրները ՆԱՏՕ-ի դաշնակիցներ են, սակայն միաժամանակ հավելել, որ Իսլանդիան այս փուլում չի պլանավորում Անկարայում դեսպանություն բացել։

Նշենք, որ Իսլանդիայում մինչև 1970-ականները պաշտոնապես օրինական է եղել թուրք սպանելը։ Այդ օրենքն ընդունվել էր դեռևս 1627-ին՝ օսմանյան նավատորմի կողմից մոտ 400 իսլանդացիների գերեվարելուց հետո, և չեղարկվել է միայն անցյալ դարի 70-ականներին։

Աղբյուր՝ Haberler