Թուրքիայի նախագահ, իշխող «Արդարություն և զարգացում» կուսակցության (ԱԶԿ-AKP) ղեկավար Ռեջեփ Թայիփ Էրդողանը, ելույթ ունենալով կուսակցության խորհրդարանական խմբակցության նիստում, անդրադարձել է նախորդ հանգստյան օրերին Թուրքիայի 6 համայնքում տեղի ունեցած տեղական միջանկյալ ընտրությունների արդյունքներին:
Էրդողանը հայտարարել է, որ իշխող «Ժողովուրդ դաշինքը» (Cumhur İttifakı) կարևոր հաջողություն է գրանցել։ Ըստ նրա՝ քվեարկության արդյունքներով 6 համայնքից 4-ում հաղթել են ԱԶԿ-ի, իսկ 1-ում՝ դաշինքի անդամ «Ազգայնական շարժում» կուսակցության (ԱՇԿ-MHP) թեկնածուները։
Թուրքիայի նախագահի խոսքով՝ Գյումուշհանեի, Նևշեհիրի և Թոքաթի նշված համայնքներում գրանցված արդյունքները ևս մեկ անգամ փաստում են, որ ԱԶԿ-ի և «Ժողովուրդ դաշինքի» կապը ժողովրդի հետ շարունակում է ամուր մնալ։
Աղբյուր՝ Trt Haber
