Թուրքիայի ռազմարդյունաբերական «ASELSAN» ընկերությունը խոշոր գործարք է կնքել Թուրքիայի նախագահականի ռազմարդյունաբերության վարչության հետ:
Հակաօդային պաշտպանության (ՀՕՊ) համակարգերի մատակարարմանն ուղղված պայմանագրի արդյունքում ընկերության բյուջե կմուտքագրվի 780 մլն եվրո: Համաձայնագրի շրջանակներում նախատեսված ռազմական արտադրանքը Թուրքիայի զինված ուժերին կմատակարարվի 2028-2032 թվականների ընթացքում։
Նշենք, որ «ASELSAN»-ը համարվում է Թուրքիայի առաջատար տեխնոլոգիական և ռազմարդյունաբերական ընկերությունը, որը ստեղծվել է 1975-ի նոյեմբերի 14-ին՝ Թուրքիայի նկատմամբ ռազմական ոլորտում կիրառված սահամանափակումներին արձագանքելու նպատակով:
Աղբյուր՝ NTV
