Թուրքիայի արտաքին գործերի նախարար Հաքան Ֆիդանը Ռուսաստան այցի ընթացքում հարցազրույց է տվել թուրքական լրատվամիջոցներին։ Հարցազրույցի ընթացքում նա անդրադարձել է Հարավային Կովկասին ու Թուրքիա-Հայաստան հարաբերությունների կարգավորման գործընթացին։
Ֆիդանը նշել է, որ այցի ընթացքում ձեռք է բերվել համաձայնություն Հարավային Կովկասում 3+3 ձևաչափի գործարկման վերաբերյալ և ընդգծել, որ դա շատ կարևոր մեխանիզմ է Թուրքիայի, Ռուսաստանի, Ադրբեջանի, Իրանի, Հայաստանի և Վրաստանի միջև համագործակցությունը խորացնելու տեսանկյունից։
Անդրադառնալով նաև Հայաստանի հետ հարաբերությունների կարգավորման գործընթացին՝ Ֆիդանը նշել է, Նիկոլ Փաշինյանի կառավարությունը շատ կարևոր քայլեր է կատարել։ Նա պատմել է, Ռեջեփ Թայիփ Էրդողանի քաղաքական կամքի շնորհիվ իրականացվել են մի շարք կարևոր քայլեր, այդ թվում՝ ուղիղ առևտրի և ավիահաղորդակցությունների ոլորտներում։
Ֆիդանն ընդգծել է, որ նոր փուլում անելիքները հստակ են և հավելել է․ «Մենք պատրաստ ենք կարգավորմանը, երբ դրա համար անհրաժեշտ պայմանները ձևավորվեն»։
Աղբյուր՝ Anadolu
