Թուրքիայի 2 համալսարան՝ աշխարհի լավագույնների ցանկում

Թուրքիայում ԲՈՒՀ-երի ընդունելության դիմումների փուլին ընդառաջ, «UNIRANKS» միջազգային գնահատման կազմակերպությունը հրապարակել է երկրի ամենահաջողակ համալսարանների ցանկը: Ըստ հրապարակված վարկանիշային աղյուսակի՝ աշխարհի լավագույն 500 բուհերի շարքում ընդգրկվել է Թուրքիայի 2 համալսարան:

Առաջինը «Մերձավոր Արևելքի տեխնիկական համալսարանը» (ODTÜ), որը 84.71 միավորով աշխարհում զբաղեցնում է 465-րդ հորիզոնականը, երկրորդը՝ «Ստամբուլի տեխնիկական համալսարանը» (İTÜ) (495-րդ հորիզոնական): Երկու բուհերն էլ արժանացել են «UR ELITE» որակի հատուկ հավաստագրին:

Թուրքական աղբյուրում զուգահեռաբար նշվում է Թուրքիայի համալսարանների լավագույն 10-յակի անունները: Դրանք են՝

1. Մերձավոր Արևելքի տեխնիկական համալսարան (ODTÜ)
2. Ստամբուլի տեխնիկական համալսարան (İTÜ)
3. Հաջեթեփեի համալսարան
4. Ստամբուլի համալսարան
5. Քոչ համալսարան
6. Անկարայի համալսարան
7. Բոազիչի համալսարան
8. Սաբանջը համալսարան
9. Գազի համալսարան
10. Մարմարայի համալսարան

Աղբյուր՝ Gazete Pencere