Թուրքիա-Սիրիա սահմանին հրշեջ է մահացել

Մարդինի Նուսայբին շրջանի և Սիրիայի Քամիշլո քաղաքի միջև գտնվող ականապատ տարածքում հրդեհ է բռնկվել։ Քամու ազդեցությամբ կրակն արագորեն տարածվել է, սակայն ականների առկայության պատճառով հրշեջ խմբերը սկզբնական շրջանում չեն կարողացել անմիջապես միջամտել։ Մարման աշխատանքները սկսվել են միայն այն բանից հետո, երբ հրդեհը մոտեցել է բնակելի գոտիներին ու սահմանային ճանապարհին։

Դեպքի վայրում աշխատող հրշեջ Օմեր Քափլանը, փողրակը միացնելու պահին, դեռևս անհայտ հանգամանքներում հայտնվել է շարժվող հրշեջ մեքենայի տակ։ Ծանր վիրավորում ստացած աշխատակիցը տեղափոխվել է Նուսայբինի պետական հիվանդանոց, որտեղ սակայն բժիշկներին չի հաջողվել փրկել կյանքը։ Կատարվածի առնչությամբ իրավապահները հետաքննություն են սկսել։

Աղբյուր՝ Rudaw