Եվրոպայի ամենաշատ այցելվող երկրները. Թուրքիան՝ առաջին 10-յակում

Եվրոպան շարունակում է մնալ միջազգային զբոսաշրջային պահանջարկի գլխավոր ուղղություններից մեկը։ 2026-ի առաջին եռամսյակում Եվրոպան ընդունել է 130 մլն օտարերկրյա զբոսաշրջիկ, իսկ Թուրքիան հայտնվել է ամենաշատ ամրագրումներ գրանցած ուղղությունների լավագույն տասնյակում։

Amadeus Travel Intelligence-ի և UN Tourism-ի համատեղ պատրաստած «Travel Insights» զեկույցից հայտնի է դարձել, որ Իսպանիան շարունակում է պահպանել իր առաջատար դիրքերը։ Մոտ 48 միլիոն բնակչություն ունեցող Իսպանիան նախատեսում է ընդունել սեփական բնակչության թվից 2 անգամ ավել զբոսաշրջիկ։ Թեև ամրագրումների ընդհանուր թվով առաջին տեղում Իսպանիան է, աճի տեմպերով առաջատարը Չեխիան է։ Երկիրը նախորդ տարվա համեմատ ավելացրել է ամրագրումների թիվը 18 տոկոսով՝ դառնալով Եվրոպայի ամենաարագ զարգացող զբոսաշրջային շուկան։

Թուրքիան հայտնվել է Եվրոպայի ամենապահանջված ուղղությունների շարքում։ Համաձայն զեկույցի՝ ամենաշատ տուրիստական ամրագրումներ ուենցած երկրների ցանկում Թուրքիան զբաղեցրել է 7-րդ տեղը։ Նշվում է, որ ամռանը ծովային, մշակութային, գաստրոնոմիական և առողջապահական զբոսաշրջության նկատմամբ աճող հետաքրքրությունը նպաստում է Թուրքիայի դիրքերի ամրապնդմանը միջազգային զբոսաշրջային շուկայում։

Ըստ վերոհիշյալ զեկույցի՝ առաջատար 10-յակը հետևյալն է՝

1. Իսպանիա
2. Իտալիա
3. Ֆրանսիա
4. Մեծ Բրիտանիա
5. Գերմանիա
6. Ղազախստան
7. Թուրքիա
8. Պորտուգալիա
9. Նորվեգիա
10. Հունաստան

Աղբյուր՝ gezelim.com