Երեխաների իրավունքների համաշխարհային օրվա կապակցությամբ Թուրքիայի բժիշկների ասոցիացիան (TTB) հայտարարել է, որ երկրում շուրջ 6.7 մլն երեխա ապրում է աղքատության մեջ։ Ասոցիացիան ընդգծել է երեխաների իրավունքների պաշտպանության ոլորտում առկա խնդիրները։
Թուրքիայի վիճակագրական ինստիտուտի (TÜİK) տվյալներով՝ 1-17 տարեկան երեխաների 36.8%-ը գտնվում է աղքատության վտանգի տակ։
Երեխաների աշխատանքի խնդիրը ևս խորանում է․ Թուրքիայում 15-17 տարեկան աշխատողների թիվը 2021 թ. 520 000-ից 2025 թ. հասել է 882 000-ի։ TTB-ն ընդգծել է, որ աղքատությունը, բռնությունն ու աշխատանքային շահագործումը շարունակում են վտանգել երեխաների կյանքն ու ապագան Թուրքիայում։
Աղբյուր՝ Diken




