Թուրքիայում նվազագույն աշխատավարձը սովի շեմից ցածր է

«TÜRK-İŞ» արհմիության հետազոտության համաձայն՝ 2026թ. երկրում քաղցի շեմը կազմում է 38․024 լիրա, իսկ աղքատության շեմը՝ 125․856 լիրա։ Միևնույն ժամանակ նվազագույն աշխատավարձը 28․075 լիրա է, իսկ նվազագույն կենսաթոշակը՝ 23․552 լիրա։

Այսպիսով, նվազագույն աշխատավարձը քաղցի շեմից ցածր է 9949 լիրայով, իսկ նվազագույն կենսաթոշակը՝ 14․472 լիրայով։ Այսինքն նվազագույն աշխատավարձն ու նվազագույն կենսաթոշակը չեն բավարարում նույնիսկ սննդի անհրաժեշտ ծախսերը հոգալու համար։

Վիճակը սրվում է բնակարանային վարձերի պատճառով։ Միջին ամսական վարձավճարը Ստամբուլում 45․000 լիրա է, Մուղլայում՝ 35․000, Անկարայում՝ 31․000, Իզմիրում՝ 29․000, Անթալիայում՝ 25 000 լիրա։ Նվազագույն աշխատավարձը չի բավարարում նույնիսկ Ստամբուլում, Մուղլայում և Անկարայում բնակարանի միջին ամսական վարձը վճարելու համար։

Տնտեսական դժվարություններին զուգահեռ Թուրքիայում խորանում են նաև ժողովրդավարության և իրավական համակարգի խնդիրները։ Զեկույցի համաձայն՝ ընդդիմադիր քաղաքապետերի նկատմամբ իրականացվող գործողությունների հետևանքով 34 քաղաքապետ կալանավորված է։

Աղբյուր՝ Sözcü