Թուրքիայի ներքին գործերի նախարար Ալի Յերլիքայան հայտնել է, թե 9 ամսվա ընթացքում որքան սիրիացի է վերադարձել Սիրիա։ 2024-ի դեկտեմբերից մինչ օրս ընդհանուր առմամբ 509.387 սիրիացի է վերադարձել Սիրիա։
Յերլիքայան մասնավորապես նշել է. «Մենք շարունակում ենք մեծ զգայունությամբ կարգավորել մեր սիրիացի եղբայրների և քույրերի կամավոր վերադարձի ընթացակարգերը՝ մեր Միգրացիայի կառավարման վարչության համակարգմամբ»։
Թուրք նախարարը նշել է, որ 2016-ից ի վեր կամավոր վերադարձած սիրիացիների ընդհանուր թիվը հասել է 1 մլն 249.390-ի։
Հիշեցնենք, որ Սիրիայի նախկին նախագահ Բաշար ալ-Ասադի վարչակազմի տապալումից հետո սիրիացիները վերադառնում են Սիրիա։
Աղբյուր՝ Ntv
