Թուրքիայի նախագահ Ռեջեփ Թայիփ Էրդողանի կինը՝ Էմինե Էրդողանը, Հարավային Կորեայի մայրաքաղաք Սեուլում պաշտոնապես բացել է Յունուս Էմրեի ինստիտուտի թուրքական մշակույթի կենտրոնը։
Կենտրոնի բացման արարողությունից հետո Էմինե Էրդողանը հանդիպել է թուրքերեն սովորող կորեացի ուսանողների հետ և զրուցել նրանց հետ։
Էմինե Էրդողանը նշել է, որ թուրքերեն սովորող կորեացի ուսանողները կարող են դառնալ Թուրքիայի և Հարավային Կորեայի միջև մշակութային կապերի դեսպաններ։
Նա նաև մասնակցել է թուրքական էբրու ջրաներկային արվեստի վարպետ Հիքմեթ Քադիր Բոզոքի ցուցադրությանը։
Նշենք, որ Յունուս Էմրեի ինստիտուտը նպատակ ունի աշխարհում տարածել թուրքական լեզուն, մշակույթը և արվեստը՝ ամրապնդելով ժողովուրդների միջև մշակութային կապերն ու փոխըմբռնումը։
Սեուլի կենտրոնը գործում է 2024 թ.-ից։ Այնտեղ 21 ուսանող թուրքերեն է սովորում։ Բացի լեզվի դասընթացներից՝ կենտրոնն առաջարկում է թուրքական խոհանոցի դասեր, ավանդական արհեստների վարպետաց դասեր և մշակութային միջոցառումներ։
Աղբյուր՝ TRT Haber
Թուրք տնտեսագետ․ Թուրքիայում գնաճը ստացել է քրոնիկ բնույթ
Հոկտեմբերին սպառողական գների ինդեքսը ամսական աճել է 2.58%-ով, իսկ տարեկան գնաճը կազմել է 29.77%։
