Թուրքիայի ֆինանսների և գանձապետարանի նախարար Մեհմեթ Շիմշեքը ներդրումային շրջայց է սկսել Լոնդոն և Նյու Յորք քաղաքներում՝ նպատակ ունենալով ներկայացնել Թուրքիայի 2026-ի տնտեսության տեսլականը և խթանել օտարերկրյա ներդրումները։ Շրջայցին մասնակցում է նաև Թուրքիայի կենտրոնական բանկի (ԿԲ) նախագահ Ֆաթիհ Քարահանը։
Շիմշեքը Լոնդոնում նախատեսում է բարձր մակարդակի օրական 10 հանդիպում՝ միջազգային ֆոնդերի ղեկավարների, վարկանիշային կազմակերպությունների և տնտեսագետների հետ։ Քննարկումների առանցքում լինելու են 2025-ին ձեռք բերված մակրոտնտեսական առաջընթացը, 2026-ի կառուցվածքային կարգավորումների ժամանակացույցն ու ինֆլյացիայի դեմ պայքարի քայլերը։
Շրջայցի 2-րդ փուլը կկայանա Նյու Յորքում, որտեղ թուրքական պատվիրակությունը հանդիպումներ կունենա ամերիկյան խոշոր ինստիտուցիոնալ ներդրողների հետ։ Քննարկվելու են կառուցվածքային բարեփոխումները և էներգետիկայի, տեխնոլոգիաների ու արտադրության ոլորտներում ներդրումային հնարավորությունները։
Աղբյուր՝ Karar
