Թուրքիան ռեկորդային աճ է գրանցել քամուց ստացվող էլէներգիայի ոլորտում

Թուրքիան 2025-ին մոտ 2.000 ՄՎտ հզորության նոր կայանների շահագործմամբ քամուց ստացվող էլեկտրաէներգիայի ոլորտում հասել է վերջին 15 տարվա ամենաբարձր ցուցանիշին։ Այս մասին հայտարարել է Թուրքիայի «Հողմակայանների էլեկտրաէներգիայի միության» (TÜREB) նախագահ Իբրահիմ Էրդենը։

Նրա խոսքով՝ երկրի հողմային էլեկտրակայանների հզորությունը գերազանցել է 14.700 ՄՎտ-ն, իսկ մեխանիկական հզորությունը՝ 15.000 ՄՎտ-ն։ Էրդենը նշել է նաև, որ 2025-ը հիմնականում նախապատրաստական տարի էր և արդեն 2026-ին նախատեսվում է նոր կայանների շահագործում։

Վերջինս ընդգծել է, որ էներգետիկ անվտանգությունը և անկախությունը համաշխարհային զարգացումների ֆոնին դարձրել են վերականգնվող էներգիան ռազմավարական առաջնահերթություն, իսկ Թուրքիան այդ ոլորտում վերջին տարիներին արձանագրել է կայուն և մրցունակ աճ։

Kaynak: Trt Haber