Թուրքիայից արտահանվող ապրանքները Գերմանիայում ավելի էժան են վաճառվում

Գերմանիայում գործող թուրքական խանութներում որոշ պարենային ապրանքներ վաճառվում են ավելի մատչելի գներով, քան հենց Թուրքիայում։ Մասնագետները դա կապում են Թուրքիայում շարունակվող բարձր գնաճի հետ։«Թուրքիայի վիճակագրական ինստիտուտի» (TÜİK) տվյալներով՝ միայն 2026-ի հունվարին ամսական գնաճը կազմել է 4.84%, իսկ տարեկանը՝ 30.65 տոկոս, ինչը հարցականի տակ է դնում կառավարության՝ տարվա ավարտի համար նախատեսված նպատակները։

Թուրքիայում հատկապես աչքի է զարնում սննդամթերքի գների աճը: Որոշ մրգերի և բանջարեղենի գներն աճել են ավելի քան 30 տոկոսով, իսկ մսամթերքի սպառումը զգալիորեն նվազել։ Միևնույն ժամանակ Գերմանիայում գնաճը պահպանվում է ցածր մակարդակի վրա, ինչի արդյունքում թուրքական շուկաներում լոլիկը, պղպեղը, բրինձը, բլղուրը, ընդեղենը և որոշ պահածոներ վաճառվում են Թուրքիայի գներից ավելի էժան։

Տնտեսագետների գնահատմամբ՝ այս երևույթը պայմանավորված է արժույթի և փոխարժեքի տարբերությամբ, մատակարարման շղթայի առանձնահատկություններով և Գերմանիայի տնտեսական կայուն միջավայրով։

Աղբյուր՝ T24