ԱՄՆ-ի և Իրանի միջև նախատեսված միջուկային բանակցությունները, որոնք պետք է կայանային Ստամբուլում, կարող են տեղափոխվել Օման։ Իրանի կողմից ներկայացված առաջարկը՝ փոխել հանդիպման անցկացման վայրը և ձևաչափը, ընդունվել է ԱՄՆ վարչակազմի կողմից։ Նշվել է նաև, որ բանակցությունների ճշգրիտ ժամանակացույցի և ձևաչափի վերաբերյալ մանրամասներ այս փուլում դեռրս չեն հրապարակվելու:
Բացի այդ, ԱՄՆ նախագահ Դոնալդ Թրամփը հաստատել է, որ Վաշինգտոնն ու Թեհրանը շարունակում են ակտիվ շփումները՝ նշելով, որ Իրանը պատրաստակամություն է ցուցաբերում պայմանավորվածության ձեռքբերման հարցում: Իսկ ավելի վաղ ամերիկյան մամուլում տեղեկություններ էին շրջանառվում, թե ԱՄՆ նախագահի հատուկ ներկայացուցիչ Սթիվ Վիթքոֆը և Իրանի ԱԳ նախարար Աբբաս Արաղչին կարող են հանդիպել Ստամբուլում, սակայն վերջին զարգացումների արդյունքում որպես բանակցությունների անցկացման հիմնական վայրը դիտարկվում է Օմանը։
Հիշեցնենք, որփետրվարի 3-ին Թուրքիայի նախագահ Ռեջեփ Թայիփ Էրդողանը Սաուդիան Արաբիայի թագաժառանգ Մուհաամմադ բին Սալմանի հետ հանդիպման ընթացքում հայտարարել էր, որ Թուրքիան պատրաստ է ստանձնել միջնորդի դերը՝ ԱՄՆ-Իրան լարվածության հարցում:
Աղբյուր՝ Marinedealnews
