Բրիտանական լրատվամիջոցները հայտնում են, որ ԱՄՆ-ի նավթային պահուստներից հում նավթով բեռնված տանկերները (լցանավ) ուղևորվել են Թուրքիա։ Նշվում է, որ դա արվում է համաշխարհային էներգետիկ ճգնաժամին դիմակայելու համար։ Մասնավորապես ԱՄՆ-ն իր ռազմավարական պահուստներից ընդհանուր առմամբ 172 մլն բարել հում նավթ է բաց թողնում Իրանի հետ պատերազմի հետևանքով առաջացած նավթի գների կտրուկ աճի դեմ պայքարելու համար։
Աշխարհի խոշորագույն նավթ արտադրող ԱՄՆ-ի նավթի արտահանումը հասել է ռեկորդային մակարդակի, քանի որ Եվրոպայում և Ասիայում առաջարկի սահմանափակումը հանգեցրել է գների բարձրացման։
Ըստ նախնական տվյալների՝ 2 լցանավ մայիսի կեսերին կհասնեն Թուրքիայի Իզմիր նահանգի Ալիաղա շրջանի նավթավերամշակման գործարան։ Լցանավերի ուղարկումը Թուրքիա համարվում է կարևոր քայլ տարածաշրջանային էներգամատակարարման անվտանգության առումով։ Բացի այդ նշվում է, որ Թուրքիան միակ ուղղությունը չէ, նավթով բեռնված լցանավեր ուղարկվում են այնպիսի եվրոպական երկրներ, ինչպիսիք են Իտալիան և Նիդեռլանդները։
Աղբյուր՝ Sözcü
