Գերմանիայում Թուրքիայի դեսպան Գյոքհան Թուրանը Բեռլինում կազմակերպված ընդունելության ժամանակ գերմանացի գործարարներին է ներկայացրել Թուրքիայի տնտեսական պոտենցիալը՝ ընդգծելով 87 միլիոնանոց երիտասարդ բնակչությունը և 1.6 տրիլիոն դոլարի տնտեսությունը:
Նշվել է նաև, որ 2025-ի վերջի տվյալներով երկու երկրների միջև առևտրաշրջանառությունը հասել է 55 մլրդ եվրոյի, իսկ հունիսի 19-ին Անկարայում կայացած JETCO-ի (Տնտեսական և առևտրային համատեղ կոմիտե) նիստում պայմանավորվածություններ են ձեռք բերվել արդյունաբերության և ռազմական ոլորտի, մաքսային միության արդիականացման և վիզաների գործընթացի շուրջ։
Շեշտվել է, որ Թուրքիան, ունենալով Եվրոպայի խոշորագույն բեռնատարների նավատորմը և զարգացած նավահանգիստներ, կամուրջ է հանդիսանում ոչ միայն դեպի Եվրոպայի, այլև Չինաստանի, Հնդկաստանի և Աֆրիկայի համար:
Գերմանական «DHL Group»-ի գործադիր տնօրեն Մուստաֆա Թոնգուչն էլ հայտնել է, որ իրենք շարունակելու են ընդլայնել ներդրումները Թուրքիայում։ Նա հիշեցրել է, որ 2023-ին 250 մլն եվրոյով գնել են «MNG Kargo» ընկերությունը և ներկայումս Թուրքիայում ունեն 2 խոշոր հետազոտական և զարգացման աշխատանքների (AR-GE) կենտրոններ:
Աղբյուր` Son Dakika
