«Տնտեսական զարգացման և համագործակցության կազմակերպության» (OECD) և «Եվրամիության մտավոր սեփականության գրասենյակի» զեկույցի համաձայն՝ Թուրքիան Չինաստանից հետո աշխարհում 2-րդ տեղում է կեղծ ապրանքների առևտրի ծավալներով։ Եվրոպա ներթափանցող յուրաքանչյուր հինգ 5 ապրանքից 1-ը թուրքական արտադրանք է։
Թուրքիայի առևտրի նախարարության տվյալներով՝ մաքսային կետերում բռնված կեղծ ապրանքների գրեթե կեսը կազմում են դեղեր, կոսմետիկ միջոցներ, սնունդ և ըմպելիքներ։ Զեկույցում նշվում է, որ 2023-ին հայտնաբերված կեղծ ապրանքների 43 տոկոսը եղել են դեղեր և կոսմետիկա, իսկ 2024-ին բժշկական պարագաների և դեղերի կեղծման դեպքերի թիվը հասել է 307-ի՝ ընդհանուր 285.4 միլիոն թուրքական լիրա (6.8 մլն դոլար) արժեքով։
Միայն 2020-ից մինչև 2025-ի առաջին կես հայտնաբերված կեղծ ապրանքների ծավալը գերազանցել է 782.4 միլիոն լիրան (18.7 մլն դոլար)։
Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցության Բուրսայի պատգամավոր Քայհան Փալայի դիտարկմամբ՝ դա ոչ միայն տնտեսական, այլև հանրային առողջությանն ուղղված լուրջ սպառնալիք է։
Աղբյուր՝ Ogunhaber
