Անվտանգության հարցերով իսրայելցի փորձագետ Միշել Վեյսը հայտնել է, որ Թուրքիան այժմ սպառնալիք է ներկայացնում Իսրայելի համար։ Նա մասնավորապես նշել է, որ Թուրքիայի նախագահ Ռեջեփ Թայիփ Էրդողանի առաջնորդությամբ նեոօսմանիզմի քաղաքականության իրականացման ջանքերն անվտանգության ռիսկ են պարունակում Իսրայելի համար։
Ըստ նրա՝ Թուրքիայի նախագահը փորձում է իրականացնել նեոօսմանիզմի տեսլականն իր հավատարիմ կողմնակիցների՝ Թուրքիայի արտգործնախարար Հաքան Ֆիդանի և Ազգային հետախուզական կազմակերպության (MİT) ղեկավար Իբրահիմ Քալընի միջոցով։ Վեյսի նշմամբ՝ «ՀԱՄԱՍ» խմբավորմանն աջակցելուց զատ, Թուրքիայի ակտիվ դերակատարությունը Գազայում հրադադարար հաստատելու հարցում արտացոլում է Մերձավոր Արևելքում ռազմավարական տերություն դառնալու նրա ձգտումը։
Ըստ Միշել Վեյսի՝ Բալկաններում, Հյուսիսային Աֆրիկայում և Կարմիր ծովի տարածաշրջանում Թուրքիայի հետախուզական գործունեության աճն Անկարայի «տարածաշրջանային առաջնորդության» ձգտման մի մասն է։
Փորձագետն ուշադրություն է հրավիրել «MİT»-ի գործունեության վրա։ Նրա դիտարկմամբ՝ վերջինս դուրս է եկել իր ավանդական հետախուզական գործառույթներից և վերափոխվել է տարածաշրջանային գործընթացները ձևավորող կառույցի։ Այն դաշտային գործողություններ է իրականացնում Թուրքիայում, Գազայում, Լիբանանում, Սիրիայում և Իրաքում, ինչպես նաև հետախուզական տվյալներ է փոխանակում Կատարի ու Իրանի հետ։
Աղբյուր՝ De.org
