Հունաստանի պաշտպանության նախարար Նիկոս Դենդիասը հեռուստաեթերի ժամանակ անդրադարձել է Էգեյան ծովում Հունաստանի մայրցամաքային շելֆի (տարածքային ջրեր) ընդլայնման հարցին։ Նա նշել է, որ էգեյանում տարածքային ջրերի ընդլայնումը Հունաստանի միակողմանի ինքնիշխան իրավունքն է և այդ իրավունքի իրացման ժամկետը բացառապես ազգային շահերի հարց է։ Թուրքական աղբյուրն այդ հայտարարությունը որակել է որպես Թուրքիային ուղղված մարտահրավեր։
Նախարարը նաև համոզմունք է հայտնել, որ շելֆի ընդլայնումը Թուրքիայի կողմից չի համարվի պատերազմի պատճառ։ Իսկ Անկարայից հնչող կոշտ քննադատությունները բնութագրել է որպես ներքին քաղաքականությանն ուղղված անլուրջ քայլ։
«Այս պնդումները լուրջ չեն։ Ֆիդան և այլ անուններ են հիշատակվում որպես Էրդողանի հավանական իրավահաջորդներ։ Մենք կարող ենք ասել, որ Թուրքիայի պատերազմի սպառնալիքը ներքին քաղաքականության համար է, բայց մենք դա չենք անում։ Որովհետև մենք լուրջ ենք։ Մեր ամենամեծ առավելությունն այն հանդարտությունն է, որ մենք ունենք մեր պատասխան արձագանքներում»։
Վերջում Դենդիասը հավելել է, որ Հունաստանը թույլ պետություն չէ և երբեք անտարբեր չի մնա այն անօրինության հանդեպ, որը ուժեղները փորձում են պարտադրել։
Աղբյուր՝ Sözcü
