Հանդիպել են Թուրքիայի ու Հունաստանի արտգործնախարարները

Թուրքիայի արտաքին գործերի նախարար Հաքան Ֆիդանը Սոֆիայում մասնակցել է Հարավարևելյան Եվրոպայի համագործակցության գործընթացի (ՀԵԵՀԳ – SEECP) պետությունների ու կառավարությունների ղեկավարների գագաթնաժողովին։ Դրա շրջանակներում Ֆիդանը հանդիպել է Հունաստանի արտագործնախարար Յորղոս Գերապետրիտիսի հետ։

Կողմերը քննարկել են երկկողմ հարաբերությունները և տարածաշրջանային համագործակցությունը։ Ֆիդանը հիշեցրել է, որ Թուրքիայի ազգային մեծ ժողովի օրակարգում գտնվող ծովային իրավասության տարածքների մասին օրինագիծն ունի ազգային օրենսդրության բնույթ և նշել, որ Թուրքիան միջազգային իրավունքը և բարիդրացիության իրավունքը հարգող երկիր է։

Թուրքիայի արտգործնախարարն ընդգծել է, որ իրենք նույն հարգանքն են ակնկալում բոլոր հարևան երկրներից։ Նա նաև նշել է, որ օրենքի տեքստի վերաբերյալ որոշ շրջանակների կողմից արվել են հայտարարություններ, որոնք հիմնված են թերի տեղեկատվության վրա և կարող են բացասաբար անդրադառնալ երկկողմ հարաբերությունների վրա ու այս հարցում ակնկալում է ավելի պատասխանատու վարքագիծ։

Ըստ Ֆիդանի՝ Արևելյան Միջերկրականը պետք է լինի ոչ թե լարվածության, այլ համագործակցության գոտի ու շեշտել, որ պետք է խուսափել այնպիսի քայլերից, որոնք դեմ են Թուրքիային ու կարող են վնասել տարածաշրջանային կայունությունը։

Աղբյուր՝ Oksijen