ԱՄՆ նախագահ Դոնալդ Թրամփը խոսել է Անկարայում անցկացվող ՆԱՏՕ-ի գագաթնաժողովի ու Թուրքիայի նախագահ Ռեջեփ Թայիփ Էրդողանի մասին։ Թրամփը շեշտել է, որ Թուրքիան կարևոր դեր ունի դաշինքում ուև կարևորել է երկկողմ բարեկամությունը։
Նա մասնավորապես նշել է.
«Ես չէի մասնակցի այս գագաթնաժողովին, եթե նախագահը (Էրդողանը) չլիներ»։
Անդրադառնալով Էրդողանի հետ իր բարեկամությանը՝ Թրամփը գոհունակություն է հայտնել ընդունելության համար և նշել.
«Շատ շնորհակալ եմ։ Ինչպես բոլորը գիտեն և ինչպես գրվել է, մենք շատ լավ ընկերներ ենք։ Նախագահը շատ լավ աշխատանք է կատարում։ Նա դիմավորեց մեզ օդանավակայանում։ Եվ կա նաև իմ անունով կոչված շենք. դա շատ հաճելի բան է։ Մենք դա տեսանք այստեղ գալու ճանապարհին։ Նա մեծ առաջնորդ է, առաջնորդ, որը հարգված է ամբողջ աշխարհում։ Մենք հիանալի քիմիա ենք ունեցել սկզբից ի վեր, մենք շատ լավ հարաբերություններ ունենք»,- նշել է Թրամփը։
Թրամփը, գնահատելով Թուրքիայի ռազմարդյունաբերությունը և ռազմական կարողությունները, հայտնել է, որ Էրդողանի ղեկավարությամբ Թուրքիան դարձել է շատ ուժեղ երկիր ռազմական առումով։ Մարդիկ գիտեն, թե որքան ուժեղ է Թուրքիան. նրանց սարքավորումները, նրանց զինվորները հիանալի են։
«Լավն այն է, որ մեր հարաբերությունները Թուրքիայի հետ իսկապես գովասանքի են արժանի, և մեր հարաբերությունները միշտ լավ են եղել։ Ես մեծ հարգանք ունեմ նախագահի նկատմամբ։ Եվ դա կլինի երկու երկրների օգտին»,- նշել է ԱՄՆ նախագահը։
Խոսելով Էրդողանի հետ քննարկվելիք թեմաների մասին՝ Թրամփը հայտնել է, որ կխոսեն առևտրի, ռազմական ոլորտի ու նաև Իրանի մասին։
Աղբյուր՝ TRT Haber
