Թուրքական «Կարմիր մահիկի» նախագահ Ֆաթմա Մերիչ Յըլմազը Կահիրեում Թուրքիայի դեսպան Սալիհ Մութլու Շենի հետ այցելել է Ռաֆահ սահմանային անցակետ։ Յըլմազը հայտնել է, որ Թուրքիան Գազային ամենաշատ հումանիտար օգնություն տրամադրած երկիրն է։
«Սակայն սա մեզ չի հանգստացնում, որովհետև քանի դեռ այնտեղ տառապանքները շարունակվում են, մենք չենք կարող ասել, որ ուրախ ենք, որ այս օգնությունը տրամադրեցինք»,- նշել է նա։
Նա նաև ընդգծել է, որ ամեն օր Գազայում պատրաստում և բաժանում են տաք կերակուր, խմելու ջուր, ինչպես նաև տրամադրում բուժօգնություն։
«Մենք դիվերսիֆիկացնում ենք մեր օգնության ուղիները։ Երբեմն այս վայրը փակվում է, և նույնիսկ մեկ բեռնատար չի կարողանում մտնել։ Բայց մենք շարունակում ենք աշխատել»։
