Թուրքիայի ներքին գործերի նախկին նախարար, իսկ այժմ Թուրքիայի խորհրդարանի ներքին գործերի հարցերով հանձնաժողովի ղեկավար Սուլեյման Սոյլուն շահել է գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ Օզգյուր Օզելի դեմ ներկայացրած բարոյական վնասի փոխհատուցման մասին դատական գործը:
Անկարայի 47-րդ քաղաքացիական դատարանը որոշել է մասնակիորեն բավարարել հայցը և պարտավորեցրել է Թուրքիայի ԺՀԿ-ի ղեկավարին վճարել 10.000 թուրքական լիրա (220$)՝ որպես բարոյական վնասի փոխհատուցում։ Սոյլուն հայտարարել է, որ դատարանի որոշմամբ հաստատվել է իր դեմ հնչեցված որոշ մեղադրանքների կեղծ լինելը՝ ընդգծելով, որ «զրպարտությամբ քաղաքականություն անել հնարավոր չէ»։
Աղբյուր՝ T24
