Թուրքիայի պաշտպանության նախարարությունը հայտնել է, որ 2026-ի հունվարի 1-ից մինչ օրս Թուրքիայի սահմաններն ապօրինի հատելու փորձի ժամանակ ձերբակալվել է 2.944 մարդ։ Նախարարության մամուլի քարտուղար, ծովակալ Զեքի Աքթյուքի խոսքով՝ միայն վերջին շաբաթվա ընթացքում սահմանային գործողությունների շրջանակում բերման է ենթարկվել 258 մարդ, որոնցից մեկը եղել է ահաբեկչական կազմակերպության անդամ։
Նա նշել է, որ տարվա սկզբից ի վեր սահմանը ապօրինի հատելու ժամանակ ձերբակալվել է 2.944 անձ, իսկ տարվա կտրվածքով սահմանը հատելու ապօրինի փորձ ընդհանուր առմամբ կատարվել է 29.194 անձի կողմից, որոնք կանխվել են: Ըստ Թուրքիայի ՊՆ խոսնակի՝ Թուրքիայի զինված ուժերը շարունակում են սահմանային անվտանգության և ահաբեկչության դեմ պայքարի գործողությունները՝ միաժամանակ իրականացնելով որոնողական և ականազերծման աշխատանքներ։
Աղբյուր՝ Anadolu
