Թուրքիայի նախագահ Ռեջեփ Թայիփ Էրդողանը և Հարավային Կորեայի նախագահ Լի Ջե Մյոնգը հանդես են եկել համատեղ մամուլի ասուլիսով։ Կողմերը համաձայնության են եկել ընդլայնել համագործակցությունը ռազմարդյունաբերության, միջուկային էներգիայի, առևտրի և տեխնոլոգիաների ոլորտներում։
Լին նշել է, որ համատեղ արտադրությունը և տեխնոլոգիական համագործակցությունը կընդլայնվեն ու մտադիր են այնպիսի քայլեր ձեռնարկել, որով երկու երկրների ընկերությունները համատեղ մուտք կգործեն երրորդ երկրների շուկաներ։
Էրդողանը որպես օրինակ մատնանշել է «Fırtına» հաուբիցը և «Altay» տանկը, ընդգծելով նմանատիպ նախագծերի քանակը մեծացնելու իրենց ցանկության մասին։ Լին էլ նշել է, որ սեպտեմբերին ռազմական նավերի վերաբերյալ ստորագրված մտադրության փաստաթուղթը երկու երկրների միջև համագործակցությունը ընդլայնել է նույնիսկ ռազմածովային պաշտպանության մեջ։
Աղբյուր՝ GZT.com
