Թուրքիայի արտաքին գործերի նախարար Հաքան Ֆիդանը հայտարարել է, որ իրենք շարունակում են ընդլայնել արտերկրներում իրենց ներկայությունը։
«Այս պահին 263 դեսպանություն և հյուպատոսություն ունենք, ինչը մեզ դարձնում է աշխարհի 3-րդ ամենալայն դիվանագիտական ցանց ունեցող երկիրը»։
Ֆիդանը ելույթ է ունեցել Անկարայում կառուցվող արտաքին գործերի նախարարության նոր շենքի հիմնարկեքի արարողության ժամանակ, որն իրականացվել է Թուրքիայի նախագահ Ռեջեփ Թայիփ Էրդողանի մասնակցությամբ։
Նախարարի խոսքով՝ հնգամյա սպասումից հետո առաջին անգամ ԱԳՆ-ն կստանա իրեն հատուկ նախագծված կենտրոն, որը կարտահայտի Թուրքիայի դիվանագիտության պատմական և խորհրդանշական նշանակությունը։ Նրա համոզմամբ՝ նոր համալիրն ու ընդլայնվող ցանցը պիտի ապահովեն Թուրքիայի դերը որպես տարածաշրջանում և միջազգային հարթակներում ավելի ազդեցիկ խաղացող։
