Սիրիայի արտգործնախարար Էսադ Հասան Շեյբանին անդրադարձել է Թուրքիա-Սիրիա հարաբերություններին և ընդգծել, որ մոտ են Թուրքիայում Սիրիայի դեսպանատան բացմանը:
«Թուրքական կառավարության հետ քննարկումները շարունակվում են: Իհարկե, մեզ համար Թուրքիայում մեր դեսպանությունն ու ծառայությունն ունենալը կարևոր է, որովհետև Թուրքիայի հետ առանձնահատուկ հարաբերություններ ունենք»,- ասել է նա:
Նշենք, որ վերջինս նմանատիպ հայտարարությամբ հանդես է եկել Լոնդոն կատարած պաշտոնական այցի ընթացքում, որտեղ բրիտանական ուղեղային կառույցներից մեկում՝ «Chatham House»-ում, մասնակցել է «Արտաքին քաղաքականություն նոր Սիրիայի համար» խորագրով քննարկմանը:
Աղբյուր՝ Rudaw
