Թուրքիայի նախագահ Ռեջեփ Թայիփ Էրդողանը ֆրանսիական կողմի նախաձեռնությամբ հեռախոսազրույց է ունեցել Ֆրանսիայի նախագահ Էմանուել Մակրոնի հետ։ Նշվում է, որ զրույցի ընթացքում քննարկվել են Թուրքիա-Ֆրանսիա երկկողմ հարաբերությունները, ռուս-ուկրաինական հակամարտությունը․ Կողմերը անդրադարձել են նաև տարածաշրջանային և միջազգային հարցերի։
Էրդողանը ընդգծել է Թուրքիայի և Ֆրանսիայի միջև համագործակցության զարգացման կարևորությունը, և ավելացրել, որ Թուրքիան առավելագույն ջանքեր է գործադրում, որպեսզի ռուս-ուկրաինական հակամարտությունն արդար և կայուն խաղաղությամբ ավարտվի։
Զրույցի ընթացքում Էրդողանը նշել է, որ կայուն խաղաղությանը հասնելու համար անհրաժեշտ է առավել արդյունավետ օգտագործել դիվանագիտական ուղիները, և հավելել, որ Թուրքիան կշարունակի ակտիվորեն աջակցել հրադադարի հաստատմանը և հետագա գործընթացներին, իսկ գլոբալ խաղաղությանը սպառնացող քայլերից հրաժարվելը կնպաստի խաղաղության ջանքերին։
Զրույցում անդրադարձ է եղել նաև Կովկասում, Գազայում և Սիրիայում տիրող իրավիճակին։
Աղբյուր՝ Ermenihaber.am
