Իտալական «AsiaNews» լրատվական գործակալությունը գրում է, որ Մերձավոր Արևելքում ընթացող պատերազմը, մասնավորապես «Ծոցի պատերազմը» (նկատի է առնվում Հորմուզի նեղուցը), նոր թափ են հաղորդում Թուրքիային «խաղաղ միջուկային» ուժ ձևավորվելու հարցում:
Գործակալության տեղեկություններով Թուրքիան 100 մլրդ դոլար արժողությամբ միջուկային ծրագիր է մշակել և մտադիր է այն ներկայացնել հուլիսին կայանալիք ՆԱՏՕ-ի գագաթնաժողովին, որը, ըստ աղբյուրի, փոխելու է «խաղի կանոնները և դաշինքում Անկարայի տեղը դարձնելու է անփոխարինելի»: Ծրագրով Թուրքիան նախատեսում է առաջիկա 10 տարվա ընթացքում կառուցել 8 նոր միջուկային ռեակտոր։
Հիշեցնենք, որ ԱՄՆ -Իսրայել տանդեմի և Իրանի միջև Մերձավոր Արևելքում բռնկված պատերազմի ֆոնին իրանական կողմը արգելել է Հորմուզի նեղուցով նավթային փոխադրումներ իրականացնել, ինչն էլ հանգեցրել է էներգետիկ ճգնաժամի:
Աղբյուր՝ Yeni Akit
Թուրքիան մտադիր է խորացնել Կանադայի հետ հարաբերությունները
Էրդողանը Կանադայի վարչապետի հետ քննարկել է երկկողմ համագործակցությունը:
