Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Սաուդյան Արաբիայի թագաժառանգ Մուհամմեդ բին Սալմանի հետ։
Թուրքիայի նախագահականի հանրային կապերի վարչության տարածած հաղորդագրության համաձայն՝ քննարկվել են Թուրքիա-Սաուդյան Արաբիա երկկողմ հարաբերությունները, ինչպես նաև տարածաշրջանային ու համաշխարհային նշանակության հարցեր։
Էրդողանը նշել է, որ Թուրքիան ցավում է Սաուդյան Արաբիայի դեմ իրականացված հարձակումների կապակցությամբ և ընդգծել, որ Անկարան քայլեր է ձեռնարկում տարածաշրջանում տևական խաղաղության և կայունության ապահովման ուղղությամբ։
Անդրադառնալով Պաղեստինի Գազայի հատվածի խնդրին՝ Թուրքիայի ղեկավարը շեշտել է, որ «Գազայի խաղաղության ծրագրի» հաջողության համար պարտադիր պայման է, որ Իսրայելը տառացիորեն հետևի երկրորդ փուլի ճանապարհային քարտեզին: Նա հավելել է, որ Թուրքիան ամենայն ուշադրությամբ հետևում է զարգացումներին։
Աղբյուր՝ Trt Haber
