Էրդողանը պատրաստվում է մեկնել Սիրիա

Թուրքիայի նախագահ Ռեջեփ Թայիփ Էրդողանը կատարական «Al Jazeera»-ին տված հարցազրույցում հայտարարել է, որ առաջիկայում նախատեսում է այցելել Սիրիա։ Նա ընդգծել է, որ Սիրիան միայնակ չի մնա, և Թուրքիան կանի հնարավոր ամեն ինչ՝ երկրի կայունությանն աջակցելու համար։

Այցի վերաբերյալ ավելի մանրամասն տեղեկություններ է հայտնել Դամասկոսում Թուրքիայի դեսպան Նուհ Յըլմազը։ Նա հույս է հայտնել, որ Թուրքիայի նախագահին Դամասկոսում կտեսնեն մինչև այս տարեվերջ։ Դեսպանը նշել է, որ Էրդողանը մեծ սեր է տածում Դամասկոսի և Օմայյան մզկիթի նկատմամբ, իսկ նախկինում ծրագրված շփումները հետաձգվել էին տարածաշրջանային զարգացումների պատճառով։

Ըստ Յըլմազի՝ Էրդողանի և Սիրիայի նախագահ Ահմեդ ալ Շարայի համատեղ քայլքը Օմայյան մզկիթում կդառնա այն պատմական կադրը, որն աշխարհին կհայտարարի երկու երկրների միջև ռազմավարական գործընկերության հզորության մասին։ Դեսպանը նաև հիշեցրել է Էրդողանի այն սկզբունքը, որ «Սիրիայի անվտանգությունը Թուրքիայի անվտանգությունն է»։

Աղբյուր՝ Yeni Şafak, Ülke TV