Թուրքիայի արտաքին գործերի նախարարությունը (ԱԳՆ) և նախագահականի հանրային կապերի վարչությունը դատապարտել են օգոստոսի 18-ի վաղ առավոտյան Սիրիայի Իդլիբ նահանգի Էբու Զուհուր ռազմական ավիաբազայի ուղղությամբ Իսրայելի հարվածները։
Թուրքիայի ԱԳՆ-ն նշել է, որ Իսրայելը շարունակում է խախտել Սիրիայի տարածքային ամբողջականությունն ու միասնությունը՝ թիրախավորելով երկրի ենթակառուցվածքները։ Անկարան միջազգային հանրությանը կոչ է արել ավելի վճռական դիրքորոշում որդեգրել այս «ագրեսիայի» դեմ և ապահովել պատասխանատվություն միջազգային իրավունքի խախտումների համար։
Զուգահեռաբար, Թուրքիայի նախագահականի հաղորդակցության վարչությունն էլ անդրադարձել է Իսրայելի վարչապետ Բենյամին Նոթանյահուի գրասենյակի կողմից տարածված պնդումներին՝ դրանք որակելով «ոչ լուրջ»։ Ըստ վարչության տարածած հայտարարության՝ այդ մեղադրանքների նպատակը Սիրիայի ինքնիշխանության դեմ իրականացվող անօրինական հարձակումների արդարացումն է։
Նշվել է նաև, որ Նեթանյահուի նման քաղաքականությունը պայմանավորված է Իսրայելում սպասվող ընտրություններից առաջ սեփական ծավալապաշտական նկրտումները առաջ մղելու ցանկությամբ։
Թուրքական կողմը վերահաստատել է իր դիրքորոշումը, որ «երբեք չի թույլատրի Սիրիայի ապակայունացումը» և շարունակելու է համագործակցությունը Սիրիայի կառավարության հետ՝ տարածաշրջանում խաղաղության և կայունության հաստատման համար։
Աղբյուր՝ TRT Haber, DHA
