Թուրքիայի հետախուզության ղեկավարը հանդիպել է ԱՄԷ փոխնախագահի հետ

Թուրքիայի Ազգային հետախուզական կազմակերպության (MİT) ղեկավար Իբրահիմ Քալընը այց է կատարել Արաբական Միացյալ Էմիրություններ։

Աբու Դաբիում Թուրքիայի դեսպան Լյութֆուլլահ Գյոքթաշի փոխանցմամբ, Քալընին ընդունել է ԱՄԷ փոխնախագահ Մանսուր բին Զայեդը։

Նշվում է, որ հանդիպմանը ներկա են եղել նաև ԱՄԷ ազգային անվտանգության հարցերով խորհրդական Թահնուն բին Զայեդը և Ազգային անվտանգության բարձրագույն խորհրդի գլխավոր քարտուղար Ալի ալ-Շամիսին։

Քննարկվել են տարածաշրջանային անվտանգության և կայունության ամրապնդմանն ուղղված համատեղ ջանքերը։

Գյոքթաշը նշել է. «Մենք հավատում ենք, որ ԱՄԷ-ի հետ մեր ռազմավարական գործընկերությունը նշանակալի ներդրում կունենա տարածաշրջանային անվտանգության և խաղաղության ամրապնդման գործում»։

Աղբյուր՝ Trt Haber