Թուրքական որոշ լրատվական կայքեր լայնորեն տարածել են, իբրև Թուրքիայի նախագահ Ռեջեփ Թայիփ Էրդողանը հրամանագիր է ստորագրել, ըստ որի 10 մլն դոլարի ֆինանսական օգնություն է հատկացվում Հայաստանում զոհված զինվորների ընտանիքներին։
Շրջանառվող լուրերին անդրադարձել և հերքել է Թուրքիայի նախագահականի Հանրային կապերի վարչության ապատեղեկատվության դեմ պայքարի կենտրոնը։
Հաղորդագրության մեջ նշվում է, որ որոշ լրատվամիջոցներում և սոցիալական ցանցերում շրջանառվող պնդումները, թե իբրև Ռեջեփ Թայիփ Էրդողանը հրամանագիր է ստորագրել, որով 10 միլիոն դոլարի ֆինանսական օգնություն է հատկացվում Հայաստանում զոհված զինվորների ընտանիքներին և հասարակության կարիքավոր շերտերին, բացարձակապես անհիմն են։
Կոչ է արվել հանրությանը չհավատալ թուրք-ադրբեջանական հարաբերությունները թիրախավորող ապատեղեկատվությանը և հետևել միայն պաշտոնական մարմինների կողմից արված հայտարարություններին։
Աղբյուր՝ Milliyet
