Ռուսաստանը Թուրքիայում նոր դեսպան ունի

Ռուսաստանի նախագահ Վլադիմիր Պուտինը հրամանագիր է ստորագրել, ըստ որի, փոխարտգործնախարար Սերգեյ Վերշինինը նշանակվել է Թուրքիայում Ռուսաստանի դեսպան։ Նա կփոխարինի Ալեքսեյ Երխովին, ով 2017-ից ստանձնել էր Թուրքիայում Ռուսաստանի դեսպանի պաշտոնը։

Վերշինինը միաժամանակ ազատվել է փոխարտգործնախարարի պաշտոնից, որը նա զբաղեցնում էր 2018-ի մարտի 27-ից։ Նշենք, որ նորանշանակ դեսպանը տիրապետում է արաբերենի, ֆրանսերենի և անգլերենի։

Թուրքական աղբյուրը նշում է, որ այս նշանակումը կատարվել է Թուրքիայի և Ռուսաստանի միջև էներգետիկ, պաշտպանական և առևտրային բազմաթիվ հարցերի շուրջ շարունակական շփումների շրջանում և ակնկալվում է, որ էական դեր կխաղա երկու երկրների միջև դիվանագիտական ​​գործընթացում։

Աղբյուր՝ Borsanıngündemi