Թուրքիայի ընդդիմադիր «Gelecek» (Ապագա) կուսակցության առաջնորդ, նախկին արտգործնախարար Ահմեթ Դավութօղլուն ԱՄՆ-ի և Իսրայելի կողմից Իրանի վրա հարձակման վերաբերյալ հանդես է եկել հայտարարությամբ։ Նա նշել է, որ Թուրքիան անկասկած չպետք է իր տարածքը, ռազմաբազաները, իր տարածքում գտնվող բազաները և օդային տարածքը բացի այնպես, որ դրանք օգտագործվեն Իրանի դեմ ու այդպիսով դառնա պատերազմի կողմ։
Ըստ Դավութօղլուի՝ մինչ օրս Թուրքիայի ու Իրանի հարաբերությունները, իհարկե, Թուրքիայի կարողությունները հաշվի առնելով, Իրանը փորձել է լարվածության մեջ չմտնել Թուրքիայի հետ՝ ի տարբերություն մյուս երկրների։ Դավութօղլուն նշել է, որ Թուրքիան պետք է դիմադրի ԱՄՆ-ի կողմից ցանկացած ճնշման և երբեք չպետք է թույլ տա, որ Քյուրեջիքի որևէ բազա օգտագործվի որպես հետախուզական ցանցի մաս։
«Կոնիայից թռչող «AWACS» ինքնաթիռներին չպետք է թույլատրվի գործել այնպես, որ Իրանի դեմ հարձակումների համատեքստում տեղեկություններ հավաքվեն Իրանի ռազմական ենթակառուցվածքների մասին։ Թուրքիայի զինված ուժերը պետք է պատերազմի ողջ ընթացքում պահպանեն Քյուրեջիքի և Ինջիրլիքի կառավարման նկատմամբ բացարձակ վերահսկողությունը, և Թուրքիան պետք է զգույշ լինի, որ չդառնա պատերազմի կողմ, հատկապես ամերիկյան կողմից, որովհետև Իսրայելը՝ Ամերիկայի գործընկերը այստեղ, բացահայտորեն թիրախավորում է Թուրքիան»,- հավելել է նախկին արտգործնախարարը։
Աղբյուր՝ Türkinform.com
