Թուրքիայի գյուղատնտեսության և անտառտնտեսության նախարար Իբրահիմ Յումաքլըն Դիարբեքիրում այցելել է Սիլվանի ամբարտակ և կառուցվող Բաբաքայա և Սիլվան ոռոգման թունելների վայր։ Ստուգայցի ընթացքում նախարարին ուղեկցել է իշխող «Արդարություն և զարգացում» կուսակցության (AKP- ԱԶԿ) Դիարբեքիրի պատգամավոր Մեհմեթ Գալիթ Էնսարիօղլուն։
Նա հարցազրույց է տվել քրդական «Rudaw» լրատվամիջոցին, որտեղ անդրադարձել է Թուրքիայի Ազգային մեծ ժողովում շրջանակային օրենքի ընդուննմանը և զարգացող նոր գործընթացին։ Նշենք, որ օրենքը վերաբերում է «Ազգային համերաշխության և սոցիալական ինտեգրման ամրապնդմանը»։
Պատգամավորը մասնավորապես նշել է.
«Վերջին 1000 տարվա ընթացքում Թուրքիայում գոյություն ունեցած եղբայրության և վերջին 100 տարվա ընթացքում խզված թուրք-քրդական դաշինքի վերականգնումն իրականում կկառուցի Թուրքիայի հաջորդ հազարամյակը»։
Ըստ նրա՝ դա տարածաշրջան կբերի խաղաղություն, եղբայրություն, գեղեցկություն, ներդրումներ և անդորր։Պատգամավորի խոսքով՝ նա միայն այս տարածաշրջանն ի նկատի չունի։ Ըստ Էնսարիօղլուի՝ այն նաև խաղաղություն կբերի Մերձավոր Արևելք և զգալի ներդրում կունենա տարածաշրջանի խաղաղության և զարգացման գործում:
Աղբյուր՝ Rudaw
