Թուրքիայում 2016-ի հուլիսի 15-ի լույս 16-ի գիշերը տեղի է ունեցել ռազմական հեղաշրջման փորձ։ Խռովարարները փակել էին Բոսֆորի կամուրջը, գրավել պետական հեռուստատեսության (TRT) շենքը և ռմբակոծել խորհրդարանի շենքը։
Հեղաշրջման փորձի մասնակցիները կիրառել էին 35 ինքնաթիռ, 37 ուղղաթիռ, 74 տանկ և 246 զրահամեքենա և գրեթե 4000 միավոր զենք։ Ըստ պաշտոնական տվյալների՝ այդ գիշեր բախումներից ու ավիահարվածներից սպանվել է 253 մարդ՝ ներառյալ խաղաղ բնակիչներ և ուժայիններ։
Այդ ժամանակ երկրի ղեկավար հանդիսացող Ռեջեփ Թայիփ Էրդողանի կոչ արեց քաղաքացիներին փողոց դուրս գալ և ճնշել խռովությունը։ Հեղաշրջման տապալումից հետո սկսվեց հաշվեհարդարը հեղաշրջման փորձի մասնակիցների նկատմամբ: Թուրքիայում հայտարարվեց արտակարգ դրություն և սկսվեցին զանգվածային ձերբակալություններ։ Քրեական հետապնդման ենթարկվեց ավելի քան 25.000 մարդ, բանտարկվեց 5266 զինծառայող, այդ թվում՝ 151 գեներալ։
Թուրքիայի իշխանությունները հեղաշրջման կազմակերպման համար մեղադրեցին ԱՄՆ-ում բնակվող կրոնական քարոզիչ Ֆեթուլլահ Գյուլենին ու նրա գլխավորած «Գյուլենական շարժման» (FETÖ) անդամներին։ Նշենք, որ այդ կազմակերպությունը Թուրքիայի կողմից պաշտոնապես ճանաչված է ոպես ահաբեկչական կազմակերպություն։
Այսօր լրանում է այդ հեղաշրջման փորձի 10-րդ տարին։ Ամեն տարի հուլիսի 15-ը Թուքրիայում նշվում է, որպես ժողովրդավարության և ազգային միասնության օր։
Թուրքական «Areda Survey» սոցիոլոգիական ընկերությունը Թուրքիայի բնակիչների շրջանում սոցհարցում է անցկացրել՝ պարզելու, թե ինչ կանեն քաղաքացիները, եթե նորից լինի հեղաշրջման փորձ։ Հարցման մասնակիցների 72.7%-ը նշել է փողոց դուրս կգա և կարտահայտի իր բողոքը հեղաշրջման դեմ: Իսկ հեղափոխության հավանականության մասին հարցին ի պատասխան՝ մասնակիցների 69.4%-ը նշել է, որ Թուրքիայում այլևս հեղաշրջման վտանգ չկա:
Աղբյուր՝ Milliyet, Egemengazetesi
