Ադրբեջանին քննադատած Էրդողանի խորհրդականը գործից ազատվել է

Թուրքական ընդդիմադիր լրատվամիջոցներում տեղեկություններ են տարածվում Թուրքիայի նախագահ Ռեջեփ Թայիփ Էրդողանի գլխավոր խորհրդական Օքթայ Սարալի՝ պաշտոնից ազատման մասին։ Թուրքական մամուլն այս զարգացումը կապում է Ադրբեջանի իշխանությունների՝ Սարալին պաշտոնից հեռացնելու ենթադրյալ պահանջի հետ։

Ավելի ուշ լրագրող Թալեաթ Աթիլլան X-ում գրառում է արել ու նշել, որ Սարալը հաստատել է իր պաշտոնանկության մասին լուրերը։

Նշենք, որ ընթացիկ տարվա հոկտեմբերի 13-ին Սարալը քննադատել էր Ադրբեջանի դպրոցներում գլխաշոր կրելու սահմանափակումները, որից հետո, ըստ ԶԼՄ-ների, Բաքուն Անկարայից պահանջել էր Սարալի պաշտոնանկությունը։

Աղբյուր՝ Sozcu