Էրդողանը՝ Մելոնիին. «Լավ տեսք ունեք, բայց պիտի այնպես անեմ, որ թողնեք ծխելը»

Թուրքիայի նախագահ Ռեջեփ Թայիփ Էրդողանը Եգիպտոսում մասնակցել է Մերձավոր Արևելքի Խաղաղության գագաթնաժողովին։ Այցի շրջանակում նա հանդիպել է Իտալիայի վարչապետ Ջորջիա Մելոնիի հետ, ում հետ ունեցած խոսակցությունը լայն տարածում է գտել։

Հանդիպման ընթացքում Էրդողանը Մելոնիին ասել է . «Լավ տեսք ունեք, բայց ես պետք է այնպես անեմ, որ թողնեք ծխելը»։ Հանդիպմանը ներկա է գտնվել նաև Ֆրանսիայի նախագահ Էմանուել Մակրոնը, ով Էրդողանի խոսքերին ի պատասխան, ծիծաղելով  նշել է. «Դա անհնար է»։

Էրդողանի խոսքերը լայնորեն տարածվել ու լուսաբանվել են իտալական և միջազգային մամուլում։

Աղբյուր՝ Sabah